Гульня-віктарына “Мая чароўная Беларусь”
”20 снежня 2022года ў нашай школе прайшла гульня-віктарына “Мая чароўная Беларусь”. Мерапрыемтсва пачалося з чытання верша В. Віткі “Беларусь”. Затым размаўлялі пра гiсторыю i традыцыi святкавання Дня Незалежнасцi Рэспублiкi Беларусь. З задавальненнем дзеці ўдзельнічалі ў розных конкурсах. Незвычайна прайшоў конкурс “Мастакі зямлі беларускай”. Маляваць трэба было не алоўкамі, а словамі карціну пра нашу Беларусь. У конкурсе “Гарады і азеры Беларусі” дзеці паказалі добрае веданне беларускіх гарадоў. Пабылі дзеці і перакладчыкамі, успомнілі прыказкі і прымаўкі. Слухалі беларускія песні.
Удзельнічаючы ў розных конкурсах, дзеці паспрабавалі даказаць, што родная мова вельмі прыгожая і займальная. Мерапрыемства было насычаным, пазнавальным , якое пашырыла веды дзяцей аб роднай мове, спрыяла папулярызацыі мовы сярод школьнікаў.
